Rokkkórinn verður með tónleika í Iðnó 21. janúar nk. kl. 20:00

Rokkkórinn kemur úr Húnaþingi vestra en hóf hópurinn æfingar af alvöru í byrjun árs 2022. Var hann stofnaður árið 2019 en komst þó ekki almennilega af stað fyrr en tveimur árum seinna vegna Covid. Afrakstur æfinga mátti heyra á tónleikum í nóvember sl. í heimabæ kórsins, Hvammstanga. Vöktu þeir mikla lukku og var því ákveðið að halda suður til höfuðborgarinnar með tónleikana. Á dagskrá eru hin ýmsu popp-rokklög síðustu áratuga.

Kórstjóri er Ingibjörg Jónsdóttir og með kórnum verður fimm manna hljómsveit sem sér um undirleik.
Miðaverð eru 4.000 kr.